Хрост
Уступ
Сакрамэнту хросту — адзін з найпершых і найважнейшых сакрамэнтаў, прымаючы які чалавек пазбаўляецца ад заганы першароднага граху. Праз хрост людзі далучаюцца да супольнасці люду божага — Касцёла. Толькі пасля прыняцця хросту можна прыймаць іншыя сакрамэнты. Хрост — толькі пачатак, які патрабуе далейшага развіцця і жыцця паводле прынятай веры. Выхаванне і жыццё ў веры Касцёла — абавязак бацькоў, хросных і самаго ахрышчанага.
Адразу пасля нараджэння дзіцяці
«Калі хто не народзіцца з вады і Духа, не можа ўвайсці ў Божае Валадарства» (Ян 3, 5).
Касцёл заўсёды разумеў такім чынам, што дзяцей нельга пазбаўляць хросту, паколькі іх хрысцяць у веры таго самага Касцёла, якую абвяшчаюць бацькі, хросныя ды іншыя прысутныя. Католікі імкнуцца ад першых тыдняў жыцця даць сваім дзецям найбольшы і найважнейшы дар – Хрышчэнне. Маленькіх дзетак закутваюць у пялюшкі, каб абараніць ад холаду і хваробаў. І хрысцяць – каб абараніць ад духоўных небяспек.
Што зрабіць, каб пахрысціць дзіця?
Выбраць імя. Пажадана, каб яно было імем святога або святой. Так ахрышчаны будзе мець свайго заступніка перад Богам і прыклад да наследавання.
Звярнуцца да святара (можна патэлефанаваць) і паведаміць аб намеры пахрысціць дзіця і абмяркуйце ўсе пытанні, звязаныя з Хрышчэннем. Ксёндз дапаможа вам падрыхтавацца да гэтай важнай падзеі і вызначыць дату. Найлепей, калі хрост адбываецца падчас нядзельнай святой Імшы з удзелам мноства вернікаў. Але пры пэўных абставінах дзіця можна пахрысціць і ў буднія дні. Не адкладвайце Хрышчэнне на доўга. Па касцёльных канонах хрысціць пажадана ў першыя тыдні жыцця.
Прайсці спецыльную падрыхтоўку перад хростам (для бацькоў і бацькоў-хросных).
Свечка
Асобнае белае адзенне (напрыклад, кашуля) або белая салфетка.
Ці можна хрысціць дзіця, калі бацькі жывуць без Шлюбу?
Можна.
Хто можа быць хросным (хроснай)?
Хросныя бацькі павінны мець не менш 16 гадоў і адчуваць адказнасць за даручанае заданне.
Хросныя бацькі дапамагаюць бацькам у выхаванні дзіцяці ў веры і паводле хрысціянскай маралі.
Хроснымі не могуць быць няверуючыя людзі.
Пажадана, каб хаця б адзін з хросных быў практыкуючым католікам (гэта значыць ходзіць у касцёл кожную нядзелю, спавядаецца і прымае Святую Камунію).
Хросных выбіраем не дзеля падарункаў, а каб яны на працягу жыцця маліліся за вашае дзіця.